Katika kurasimisha Biashara mambo yafuatayo yanapaswa kuzingatiwa:

• Sajili jina la biashara BRELA kupitia mtandao, Ofisi ya idara ya Biashara au kupitia Vituo Jumuishi vya Urasimishaji na Uendelezaji Biashara vilivyopo katika baadhi ya Halmashauri.
• Uwe na Mkataba wa pango mahali utakapofanyia biashara.
• Pata Namba ya Mlipa Kodi kutoka Mamlaka ya Mapato Tanzania ( TRA).
• Pata leseni ya Biashara kutoka Halmashauri yako mahali biashara ilipo.
• Fungua akaunti ya benki kwa ajili ya shughuli zako za biashara.
• Tunza kumbukumbu za mahesabu yako vizuri ili uweze kupima uhai wa biashara yako.
• Kama una wafanyakazi hakikisha wana Mikataba ya Ajira.
• Kata bima kwa ajili ya kuilinda biashara yako na majanga yasiyotarajiwa mfano, moto, wizi, mafuriko na majanga mengineyo.
• Hudhuria Mafunzo ya Urasimishaji na Uendelezaji Biashara yanayotolewa katika Vituo Jumuishi vya Urasimishaji na Uendelezaji Biashara.
• Ongeza Mtaji wa Biashara yako kwa kukopa kutoka Taasisi za Fedha